في ناس ماتت عشان تعبر وترفع يا بلد اسمك وناس عاشت عشان تهبر وتنهش حتة من جسمك في ناس حاربت عشان عرضك، روت من دمها أرضك وأدت يا وطن فرضك بدون لحظة ما تتردد في ناس ماتت عشان مبدأ سنين بسلاحها في الخندق ومين ممكن يكون أصدق من اللي عشانك استشهد؟ في ناس ماتت بلا زفة وسابت مصرنا واقفة ولو يتحطوا فالكفة بطل منها بجيش كامل

يا ريت ما سألتوا تانى نفس السؤال إياه تنسوه أنتوا في ثوانى وأنا أعيش عذابى معاه وأرد بأي كلام، وأقول والله تمام وأسيبهم وأمشي عشان ما اسمعش سؤالهم تاني ويا دنيا جرالك إيه؟ بتعاندي معايا ليه؟ أنا بس غلطت في إيه؟ وليه قلبي بيعاني؟ جوانا هموم سنين ولا نبقى مبينين في عنينا الضحكة لكن من جوة مدمعين وتمر كتير ساعات بنفكر فى اللى فات معقولة العمر عدى بينا كده من سكات ويا دنيا رسينا، مين جاى على مين فينا؟ قصرنا فى حاجة معاكى ولا عملنا اللى علينا؟ ويا دنيا رسينا، مين جاى على مين فينا قصرنا فى حاجة معاكى ولا عملنا اللى علينا؟ وأرد بأي كلام، وأقول والله تمام وأسيبهم وأمشي عشان ماسمعش سؤالهم تاني وأرجع أحلم وأعيش، ليا بقى أو ماليش ولا هاخد غير نصيبى فخلاص مايهمنيش أوعى تحزن يا طير، ده بعد الدمعة خير جايلك بس في أوانه، أصبر ربك كبير ويا دنيا رسينا، مين جاى على مين فينا؟ قصرنا فى حاجة معاكى ولا عملنا اللى علينا؟ ويا دنيا رسينا، مين جاى على مين فينا قصرنا فى حاجة معاكى ولا عملنا اللى علينا؟ وأرد بأي كلام، وأقول والله تمام وأسيبهم وأمشي عشان ماسمعش سؤالهم تاني